Assalamualaikum Wr. Wb
Para
Bapak Ibu lan sedheret sedaya ingkang kula kurmati, wonten dinten ingkang bagya
mulya manga kula lan panjenengan sedaya ngaturaken raos syukur dhumateng
ngersanipun Allah swt, saengga wekdal niki kita sedaya saged makempal wonten
mriki kanthi sehat walafiat mboten wonten alangan menapa-menapa.
Shalawat
saha salam konjuk dhateng junjungan kita Nabi Agung Muhammad saw. Ingkang
sampun mbekta kita saking jaman jahiliyah temuju jaman islamiyah.
Selajengipun,
kula minangka ketua panitia penyelenggara pengeten dinten kartini ngaturaken
agenging panuwun dhumateng panjenengan para rawuh ingkang sampun nglonggarake
wekdal kersa rawuh wonten undangan ingkang sampun lumantar dhumateng
panjenengan sedaya.
Para
rawuh sedaya sampun mangertosi bilih Raden Ajeng Kartini miyos nalika tanggal
21 April 1879 wonten jepara. Pramila ing tanggal 21 April menika kita pangerti
minanggka dinten lairipun Raden Ajeng Kartini. Kangge mengeti perjuanganipun
Raden Ajeng Kartini ingkang sampun ngangkat drajatipun Wanita Indonesia ngantos
saget sami kaliyan drajating priya.
Rikala
gesangipun Raden Ajeng Kartini, para wanita Indonesia tansah wonten pingitan,
para wanita mboten dipun keparengaten sekolah. Boten kepareng gadhah padamelan
sami kaliyan priya. Nanging samenika, para wanita sampun sami drajatipun
kaliyan kaum priya.
Asil
perjuanganingRaden Ajeng Kartini prayata saestu saged kaleksanan, samenika
sampun kathah para wanita ingkang lenggah wonten jabatan penting dados ketua
utawi pemimpin, kados ibu megawati sukarno putri presiden republic Indonesia
ingkang kaping gangsal.
Saupami
Raden Ajeng Kartini taksih sugeng tentu remen priksa kawontenan kaum wanita
wonten wanci menika. Hak-hakipun, sami kaliyan para priya. Emansipasi ingkang
dipun kersakaken R.A. Kartini inggih menika ngagenging haking panggesangan sami
antawisipun priya kaliyan wanita, menawi saged sinau ing pawitan luhur, wanita
inggih dipun paringaken wanita mboten naming wonten wingking.
Para
rawuh sedaya ingkang kula kurmati, menawi para wanita sampun sami nyambut kangge
majenyaken negari tuwin agami, nanging mboten kesupen wanita gadhah jejibahan
anggaluwentah putra wonten kulawarga lan ugi makarya minangka tandha darma
bekti nipun dhateng negari.
Naming
menika ingkang saged kula aturaken mboten kasupen kula ngaturaken agunging
panuwun, dhumateng para rawuh ingkang sami nyyengkuyung pangetan menika kanthi
biyantu arupi menapa kemawon. Mugi sedayawau pikantuk piwales ingkang murwat
sangking gusti ingkang Akarya jagad.
Menawi
anggen kula matur wontem kalepatan saha solah bawa ingkang kurang mranani
penggalih panjenengan sedaya, kula nyuwun pangapunten
Nuwun.
Wassalamualaikum Wr. Wb.
Tidak ada komentar:
Posting Komentar